Faaipoipo Deborah Fainifo Fuimaono ma Chanell Dion Tanielu

0
1073

Faaipoipo Deborah Fainifo Fuimaono ma Chanell Dion Tanielu Sini Ausetalia

Tusia: Tiumalumatua Maifea Fetu-FAAOLAOLA MISSION

E tau le matu loimata o le fiafia ma le faanoanoa o nai matua o le tamaitai faaipoipo, faapea foi le tina o le tina(Grandma) o le alii faaipoipo, ina ua tau i manuia le faamoemoe o nai alo ma fanau ua leva ona fuafua mai, ao lea ua faataunuuina i le agalelei o le Atua. E faanoanoa ona o le a motusia le mafutaga masani faa matua ma fanau.Toe fiafia foi matua ma aiga na lua i le vavave o le tatalo faatauanau a Chanell ma Deborah ua tali mai iai le Atua ao lei faapaiaina i le faaipoipoga lo la aiga fou.

DSC_0660 DSC_0685

Faatalanoaga ma se Molimau a matua o Deborah Fainifo Fuimaono
(Pastor Saupo ma Elenise Fainifo Fuimaono)
I le molimau a le tama ia Pastor Saupo Fainifo Fuimaono i si ona afafine ia Deborah, o ia o se teine lelei tele ma le tauaogaina i lo latou aiga, o lo la alo laititi foi lea poo le uii o le fanau. O Deborah o loo iai se faamanuiaga mai le Alii, ma o ia e lima taumatau iai i laua i lo la tofi faifeau o le AOG i Claymore Campbeltown. Sa tau saili se tasi e taina le piano ma taitaia pese a le aufaipese(Team), sa tatalo atu ai i le Atua ina ia faaaogaina le afafine ma ua tali le Atua, ua maua e le afafine le taleni o le taina o le piano faatasi ai ma le fesoasoani a si ona atalii matua.

I se faatalatalanoga ma matua o le tamaitai faaipoipo ia Pastor Saupo ma le faletua ia Elenise Fainifo Fuimaono ma le tatou nusipepa le Iniini Samoa, na la taua ai le faafetai tele i le Atua i lona alofa faalia iai laua ma si a la fanau e toafa(4), e lua tama lua teine. Mai lava i le ulua’i taimi na taunuu ai i Otara Niu Sila 1982, ma toe agai mai ai i Ausetalia 1986. Saunoa Saupo ma le tina o le aiga,na la iloa lelei le agalelei ma le alofa o le Atua i si o laua aiga ma si a la fanau.ia Francis Poutoa Fainifo na fanau i Aukilani, le ulumatua, na maua lana konekalate lakapi ma taalo ai mo le au a le Brumbies(ACT) i Kenepera ma agai atu ai i Farani ma taalo lakapi ai. Ua faamautu nei ma si ona toalua i Kenepera ma taaalo lakapi ai. O le tama lona lua o Solomona Fainifo faigaluega ave lifi (Forklift driver), a o lona toalua e iai lona pito Fiti e faigaluega fomai i le Falemai Livapulu. E lua o la alo tamaitai ua fai foi le aiga o le isi a o le uii lava a laua ia Deborah lea ua faiaiga nei. E faafetai ai i le Atua i mea uma ua malie le agalelei i lona alofa faasoa, malie foi le loto i le lagolago malosi a si a la fanau i le faiga o le aiga, aemaise ai le tutu malosi i le atinae ina o le galuega a le Atua, lea ua avea ai i laua ma faifeau i le AOG Claymore Cambletown Sini Ausetalia.
O le susuga ia Pastor Saupo Fainifo Fuimaono o ona tuaa ia Lalogafau Fainifo ma Lafo Fualau Fainifo Fuimaono o Salani Falealili, ao le faletua ia Elenise Fainifo o ona tuaa o Faga Lama Mu’a ma le tina ia Lauvi o Asau. O matua ia ma tuaa o le tamaitai faaipoipo ia Deborah Saupo Fainifo Fuimaono.

Solinuu Sauma Tanielu (Tina na tausia) Molimau mo si ana tama Chanell Dion Tanielu

Na faapea foi i le molimau a le tina o le tina o Chanell ia Solinuu Sauma Tanielu, na ia taua ai le lelei tele o Chanell mai lava i le ulua’i taimi na avatu ai e lona tina ia Ailini Tanielu la te tausia ma le Tama o le aiga i Samoa ma faaaoga ai, seia oo ina ua toe manao atu lona tina e toe aumai i Ausetalia Chanell e faaauau ai ana aoga ma faigaluega ai ma tausi atu ai laua i Samoa. Na faapena foi se molimau a le susuga ia Pastor Saupo aua o Chanell o si tasi foi o lana aulotu ma taua ai e faaioga lava e lona faletua o si ana tama Chanell i taimi uma e tapa iai ini feau e fia fai. O se tama lelei tele, ua tutusa lelei ma si ona afafine le taufai galulue malosi i le faiga o viiga o le lotu ma le atinaeina o le ekalesia. O Chanell Dion Tanielu o le alo o le tina ia Ailini Tanielu, ae na tausi lava e nai ona matua ia Solinuu Sauma ma Tanielu Salima o Apolima.

20160604_154618 DSC_0678
Na matua’i faatumulia le auvalaaulia ma aiga na lua i le aso fiafia o le afioga ia Laauli ma le afioga ia Tamasailau ma avea ai i laua o le tino ua tasi ia Keriso Iesu, Mr Chanell Dion & Mrs Deborah Tanielu.
Na faaleo mai foi moomooga alofa i le tina ia Ailini Tanielu isi ana tama e toatasi ia Chanell Dion Tanielu, ia saga faatumauina pea lona tausaafia ma lona lelei i lo latou aiga ma le ekalesia, aemaise ai le amataga o lona aiga fou ma si ona toalua ia Deborah. Ia faamanuia tele le Atua Soifua i lo oulua aiga fou, ma e tumau pea lo’u alofa mo oe Son.

TAUNUU I FANUA LE MEAALOFA A LE ATUA mo Deborah & Chanell Tanielu

O se tala malie ma le manaia tele na maua i molimau o le aso, ua muamua toai i fanua le meaalofa mai le Atua le oloa taua mo le ulugalii fou, ao lei faaipoipoina i le aso 4 o Iuni 2016. Ua saga faamautuina ai le tatau ma le onomea ona faatasia i laua, aua ua tali mai le Atua mo laua ma faatagatain. Aua o le mea moni o nisi ulugalii ua leva ona mafuta ae lei oo mai lava iai le tufa faasoa o lo tatou Atua. Ae amuia lenei aiga fou ua faapea foai mai iai le oloa taua mai le Atua la te tausia.

image (55)

Talosia ia i saga fua tele le niu ma faatoatele ai le aiga aua le Atua mo lona finagalo. Avatu ai faatasi ma faamanuiaga mai le pulega o le tatou nusipepa le Iniini Samoa (www.iniinisamoa.com) ma le Australia Samoa (www.australiasamoanews.com.au), ia saga faamanuia le Atua Soifua ia te oulua ma ia maua ai se viiga o le Atua i lo oulua aiga fou.
Manatua e fafagu Iesu o loo tofa i lo oulua sa pe a feagai ma faafitauli o le olaga.

MAY THE GREAT LORD BLESS YOU BOTH CHANELL & DEBORAH TANIELU.

Faafesootai mai tatou nusipepa mo lou aso faapitoa, faaipoipoga, aso fanau, 21-70 tausaga, family reunion, valaau mai Tiumalumatua Maifea Fetu 0403060457, imeli faaolaolasamoa@gmail.com websites:www.australiasamoanews.com.au www.iniinisamoa.com & www.faaolaolaaussienews.com.au

LEAVE A REPLY