Fa’amai o le Gugu (Gouty Arthritis)

0
569

DR.Paniani PatuFa’atalofa atu i le au faitau nusipepa i lenei itu aso. Malo lava le soifua laulelei. Faafetai ua maua lenei avanoa e amatalia ai ni tusitusiga i mataupu e faatatau i le soifua maloloina.

Ona o le toatele o le au faitau, o tagata matutua ma e maua i le faamai o le gugu (Gouty Arthritis); o lea o le a amata ai le lolomiga i le faaletonu o lenei faama’i o le Gugu.

E mafua lenei fa’amai i so’oga o ivi (joints) ona ua tele na’ua le maualuga o le aki (uric acid crystals) i itutino e pei o vae, lima, tulilima, ma tau’au faapea isi. E masani ona oso faafuasei le fula ma le tiga, faapea le mumu i itutino nei ae maise ai lava vaematua ma lima.

E tupu le faaletonu ona ua le gafatia e fatuga’o ( kidneys) ona fufulu ese le aki mai i le tino ma ua maualuga ai le malosi ma a’afia ai loa aao. E tatau ona i lalo  ifo o le 0.36mmol/L le fua o lenei aki (uric acid) i le tino. A maualuga atu ona lamatia lea o lena tagata i le gugu.

WhatisGout1-300x167

E afaina tele tagata tino lapopo’a ma le puputa. E afaina fo’i latou e maua i le toto maualuga (High Blood Pressure); suka ma le tele o le ga’o i le tino (High Cholesterol); faapea latou e afaina latou fatuga’o (Kidney diseases) ma le mafai ai ona faamama ese le aki (uric acid) mai le tino.

O mea’ai taumafa nei e fiafia tele iai le gugu ona o le tele o le purini (purines):

  • A’ano o manufasi tu’uapa pei o pisupo, povimasima – e le gata i le mumu(red meat) ae ga’oa toe o’ona i le masima
  • Mea’ai sami – maso(mussels), ula(prawns), tugane(shellfish), oka(rawfish), oysters
  • Vaiinu suamalie(fructose)
  • Inu ava (alcohol) pei o le pia(beer) e tele iai le yeast lea e fai ai le paka o le pia
  • Fualaau aina pei o le tamato, tipolo, moli ma isi

PM_P15_CORNED_BEEF_15OZO togafitiga e amata i le fai o le faata(Xray) o so’oga o ivi ua afaina; faapea le su’ega o le toto(blood tests) e faamaonia ai. O fuala’au (medicines) e faaogaina:

  • NSAIDs – fualaau nei pei o le Indocid ma isi
  • Colchine pei o le Colgout
  • Corticosteroid pei o le prednisone ma isi pea tiga tele le gugu
  • E mafai fo’i ona tui ese le vai pe afai ua fula ma tiga tele

O puipuiga o le Gugu e faaaoga ai le fualaau e taua o le Zyloprim faatasi ai ma le faaititia o le inu ava (alcohol) faatasi ma le faaitiitia o le tino mamafa (weight loss).

Mo nisi faamatalaga faafeso’otai mai a’u i le :

Prospect Medical Centre
Prospect Shopping Village
Cnr Aldgate ST and Blacktown Rd
Prospect 2148
Ph: (02) 9636-4611  Fax: (02) 9631-4605 mobile: 0418422726

LEAVE A REPLY