Manatu Mai Le Pulega Australia Samoa Newspaper

0
444

fetuMalo le soifua manuia si o tatou atunuu Samoa ua fai Ausetalia ma o tatou nofoaga e aumau ai aua se manuia o nai fanau,aiga ekalesia nuu ma le atunuu.Talitonu le taofi o loo maualuga pea lo outou soifua manuia i le alofa ma le agalelei o Atua Soifua, Ua amata atu nei le isi tatou nusipepa i Ausetalia nei aua lava le tautuaina o si o tatou atunuu le Australia Samoa Newspaper-Serving Samoan People. Faamoemoe lava ina ia faafaigofie ona tatou fesootai ai ma logologo puialii o tatou tagata i ala tatou te maua ai le fesoasoani ma le faamama avega ma faigofie ai foi ona tatou fesootai. E momoli ai foi la’u faamalo ma la’u faafetai tele i sao taua i afioga i Fomai Samoa Dr, Paniani Patu ma Dr Olataga Alofivae Doorbinnia i lo laua sao taua ua faaaogaina ai foi le tautua a le Australia Samoa Newspaper e fautuaina ai ma taulogologo ina ia maua e Samoa le soifua maloloina lelei mai mai o lenei olaga ma ia tele ai aso e soifua ai o tatou tagata. Faafetai tele le faaavanoaina o oulua taimi taua ma ia faamanuia le Atua i lo oulua valaauina . Faapea foi ona ou faafetai faapitoa atu i le susuga i le tamaitai Faatonu o le tatou tautua le Afioga ia Maiava Tricia Brunt le pule o le United Pacific Freight mo le felauaiga o uta ma faamomoli i Samoa ma isi atunuu o le Pasefika, ina ua faaavanoa foi lona taimi mo lenei nusipepa le Australia Samoa i Ausetalia nei. Faafetai tele le faaaoga o le Taleni a le Atua o loo ia te oe e te faasoa mai ai mo si o tatou atunuu. Ia sagai ane ai o le Tai ma ia aualiitia e le agaga o le Atua Soifua lou soifua tautua.
Faapea foi ona faamalo atu i le tatou aufaigaluega uma a le Australia Samoa,Iniini Samoa ma le Faaolaola Samoa i lo outou galulue malosi faapea foi si o’u toalua ma le fanau le lagolago mai i lenei foi taumafaiga faatauvaa. Tatou tuli pea i luma so tatou ai ma ia faamalieina le aufaitau nusipepa i la tatou auaunaga e Tautua ai Tagata Samoa. Maua lava le avanoa pe a e fia tusitusi mai ma faaaoga ai lau Taleni e tautua ai nai o tatou tagata. Faafesootai mai i le imeli faaolaolasamoa@gmail.com pe txt mai 0403060457.
Faafetai tele

LEAVE A REPLY