Manuia Faamoemoe a le Faaolaola Samoa Mission Lulu Muamua Iuni 2017

    0
    374

    Tusia: Star William-Faaolaola Mission Ausetalia

    O le viiga e faatele lava i le Atua Soifua ina ua tele lava upu i manu ae leai i mala. Faafetaia le alofa ma le agalelei o le Atua Soifua ina ua faataunuu ina ma le manuia le ulua’i lulu a le Faaolaola Samoa Mission Sini Ausetalia lea na seiina i le aso 12 Iuni 2017.O le aso foi lea na fai ai faafiafiaga a Samoa i le faamanatuina o le 55 tausaga talu ona tutoatasi Samoa mai pulega a malo tetele. Lagona le agaga fiafia ma le faafetai i le afioga i le alii pule ma le faletua, Tiumalumatua Maifea Fetu ma Soisoifua Fetu (Founder/Owner FAAOLAOLA SAMOA MISSION) i Ausetalia, i le lagolago a le atunuu i le faatauina o tusilulu, faapea foi i uo ma tauaiga ua mafai ai ona faataunuuina lene faamoemoe. O le Faaolaola Samoa Mission, ua faavaeina ina ia mafai ona fesoasoani ai i aiga ma soo se tasi e fia maua se fesoasoani aemaise ai foi mafutaga autalavou,aoga aso Samoa aufaipese ma soo se mafutaga a nuu ma tagata matutua, I le faatinoina lea o lulu saili ai seleni e mafai ai ona faaleleia atili le tautua a le tatou leitio Samoa i Sini Ausetalia 24 itula fitu aso o le vaiaso a le Samoa Toe Faaolaola-Samoa Come Alive-the Beat of Samoa ma La’u Samoa i vaiaso taitasi aso Gafua ma aso Tofi faapea ai ma le aso Faraile mai le 10am i le 2pm Digital Radio 2000. E maua ai foi taavale a aiga taitasi pe a manumalo i taavale o lulu i tausaga taitasi. O le lulu lea na sei muamua e lei faatauina le numera malo, ona toe sei ai lea i luga o le leitio aso Tofi 22 Iuni ma manumalo ai le numera 1170. O le aiga Samoa na latou mauaina lenei uluai taavale o le lulu a le Faaolaola Samoa Mission le afioga i le alii pule o le Emerton Fish Market ia Agaseata Lealaitagomoa Petelo Taateo ma le aiga.O le aoauli o le aso Lulu 28 Iuni na tauaaoina atu ai lenei taavale i le afioga ia Agaseata Lealaitagomoa Petelo Taateo ma le aiga, pei ona manumalo ai i le taavale o le lulu muamua a le Faaolaola Samoa Mission, ua taunuu ai le agavatau poo le manulauti a le Faaolaola Samoa Mission e fesoasoani ai i aiga, “From One Family to another Family-Mai le Tasi Aiga i le isi Aiga.” Talosia le lulu lona lua lea e malo ai i le taavale 7 pasese 2017 ia Tesema poo ai le isi aiga o le a faamanuiaina ai. Ua toe faagasolo foi le faatauina o tusi lulu o le lulu lona lua a le Faaolaola Samoa Mission lea e malo i le taavale 7 pasese G10 LDV 2017.

    LEAVE A REPLY