TASI LE TOFA TAITAIFONO FONO SAMOA E TOLU GALULUE FAATASI FAAMANATU LE SISIGAFUA 2017 SINI

0
638
Tusia:Tiumalumatua Maifea Fetu (Faaolaola Mission Ausetalia)
Ua tali mai ma le faaaliali talosaga molia i le lagi ina ia maua se agaga galulue faatasi o taitai o fono e tolu a La’u Samoa lea o loo Taitaifono ai le Afioga ia Alalatoa Emani Alalatoa, Samoa mo Samoa lea Taitaifono ai le Afioga ia Sulusulumaivasa Iva Alofa ll, Faalapotopotoga Samoa ma Ana Auaunaga Opogi i Sini Sisifio poo le Samoa Community Support Services Incorporated lea e Taitaifono ai le Afioga ia Maposua Sulamanaia Tuu’u Amituanai Auapaau, ina ia galulue faatasi i le faamanatuina o le sisigafua a Samoa i Sini Ausetalia. O lenei fono na valaau faaaloalo e le Peresitene a La’u Samoa ia Alalatoa Emani Alalatoa Taitaifono o isi Fono Samoa e tolu ia ua lesitala ina faaletulafono i Sini Ausetalia nei ina ia faaafio ma susu atu i lea fonotaga e talanoaina ai se finagalo o fono ia pe finagalo malilie e galulue faatasi mo le faamanatuina o le Sisigafua o lenei tausaga, peitai ane ua na o le lua fono ia na talia le faatalauula atu ma faatasi atu ai i le fono lea ua tofa ai nei fono ma ona taitai ina ia galulue ma tutu faatasi e faamanatu le aso fanau o Samoa i Sini nei. E lei manuia fesootaiga na fesootai atu ai le tatou nusipepa i le taitaifono a le Samoa Council Sydney(Fono Aoao a Tagata Samoa i Sini) Incorporated lea taitaifono ai le susuga ia Leilua Jerry Uesele, na tuu iai foi ma se feau ina ia fesootai mai e fia maua sona finagalo ae oo mai le taimi o lenei lomiga e le’i tali mai lava, ao ia foi o se tasi o tusitala i luga o se tasi o nusipepa mai Niu Sila, ae foliga mai e pitotasi le silasila a lenei taitai i le latou fono, ae leo finagalo ina ia fesootai tagata Samoa, ma ua fesiliga ai lona agavaa i tofiga faataitaifono, e foliga mai e le mafai e lenei taitaifono ona faafesootai tagata Samoa.Ma ua atagia mai ai e leo finagalo le taitaifono ma le latou fono e fesootai tagata Samoa i Sini Ausetalia. Ae na fesootai mai le afioga ia Alalatoa ma faailoa mai ua oo atu le aveai a Leilua Jerry Uesele e le avanoa atu i le fono lea na tusi faaaloaloa ai le taitaifono a La’u Samoa. Ma ua atagia mai ai, e le fia galulue faatasi le Fono Aoao ma isi fono  ia e tolu a Samoa, ae  mananao lava e fai na o latou le sisigafua o lenei tausaga pei ona faailoa mai ai e nisi o le atunuu na valaau mai i le tatou nusipea. Ua leai la se mea e faapopoleina ai le Tofa a Taitaifono a Fono nei e tolu, ae ua finagalo au tasi ma malilie faatasi o le a latou galulue faatasi e faamanatu le aso fanau o Samoa i lana sisigafua 2017. Na saunoa le susuga i le Sui Taitaifono a La’u Samoa le Afioga Toomata Tauo Siaki Toomata, na matagofie foliga laufofoga fiafia o Taitai o nei fono e tolu ma sui na auai atu i lenei fono ma auaufaatasi ai loa e faamanatu faatasi le sisigafua e fono nei e tolu a LA’U SAMOA COUNCIL,SAMOA MO SAMOA COUNCIL ma SAMOA COMMUNITY SUPPORT SERVICES. Na saunoa foi Toomata, na faatoa faailoa atu ai foi i le fono lea se aveai mai le Konesula ia Fonoti Manogiamanu Ioane Etuale ina ia lava atu i le fono i le aso 17 i lona ofisa. Ma ua teena e nei fono e tolu lea aveai ona ua tasi le tofa a taitaifono ma fono nei e tolu, o le a toe usuia le isi fono i le vaiaso fou ma faataoto ai loa le polokalame o le sisigafua ma le nofoaga o le a faamanatu ai le aso fanau o Samoa i lenei tausaga. Saunoa foi Toomata, o le a fili mai ai foi i taitai nei o fono e tolu se laulau a fono fou latou te taitaia le FONO SAMOA SOOFAATASI i Sini Ausetalia ma lesitalaina faaletulafono aua le faamanatuina o aso faapitoa o le atunuu e vaavaalua ai ma lenei malo o Ausetalia aua se lumanai manuia o Samoa i Sini  nei faapea foi le Malo o Samoa ma Ekalesia taitasi, ae avea ai La’u Samoa,Samoa mo Samoa ma Samoa ma Ana Auaunaga Opogi ma sui e lagolagoina le FONO SAMOA SOOFAATASI NSW, e galulue faatasi i faamoemoega faapitoa o le atunuu ma  le mamalu o le atunuu o loo aumau i Sini Niu Sau Uelese Ausetalia. A maea nei faamoemoe ona toe foi lea o fono latou e faaauau a latou galuega faa auau tusa ai ma lo latou faavae. Na saunoa foi Toomata o loo ua faalauiloa mai foi o le a faia foi le sisigafua a le Fono aoao, ma e leo popole iai le mamalu o fono nei e tolu aua ua sosoo finagalo ma faamoemoe o Taitai o Fono nei e tutufaatasi mo Samoa. Ma ua lagona foi iu leo o le le sa’o o le Konesula i le ese o lona finagalo e faailoa i isi fono ese lona finagalo i le Fono Aoao, ma ua fesiligia ai le faamaoni o se finagalo o le Konesula poo fea e tu ai pe na te lagolagoina se vaega se tasi ae lafoai le toatele. Ma e maualuga le finagalo o fono ia e tolu ma nisi o le atunuu, e le tatau ona faaeleelea le Konesula i le faatalanoaga o nei faamoemoe, ae lafoai pea i taitai o fono ma fono Samoa e faamautuina ma talanoaina nei vaega uma a maua se tasi ona faatoa faailoa lea i le Konesula ma le Aufaigaluega a le Atua le tofa autasi o le Atunuu i Fono a Samoa ua galulue faatasi. Aua o loo galulue  lava fono e saili seleni mo le faatupeina o nei faamoemoe, ae leai se fesoasoani tau tupe mai le Konesula ma le Malo o Samoa e faatupe ai le tapena o le sisigafua. E lei maua se avanoa e fesiligia ai le Konesula ona ua vave le taimi e lolomi ai le tatou nusipepa i sona finagalo i vaega ia na faaleoina e nisi o taitai o nei fono ma sui o fono taitasi.O le a taumafai atu iai le tatou nusipepa ina ia maua mai sona finagalo i vaega ia, aua na saunoa le afioga ia Alalatoa, na la talanoa ma Leilua Jerry Uesele le taitaifono a Fono Aoao tagata Samoa, saunoa Leilua ua uma ona fono le latou fono ma le Konesula, ao lea faatoa faailoa mai le finagalo o le Konesula ina ia susu atu taitai o fono i le aso 17 e fono ai, ao lea ua faalauiloa mai e nisi o le atunuu ua faasalalauina le famoemoe o le Fono Aoao e faamanatu e latou le sisigafua. Mo le silafia Samoa, o fono nei ma faalapotopotoga a Samoa i Sini Niu Sau Uelese ua maea ona lesitalaina faaletulafono, ua atoa nei le lima o fono,
Taitaifono ma sui o Fono Samoa e Tolu
FONO MA MAFUTAGA LESITALAINA SAMOA SINI NIU SAU UELESE
1 La’u Samoa Council Incorporated lesitalaina aso 01/07/2004 INC#9881979 atoa le 13 tausaga ia Iulai 2017
2 Samoa Council Sydney(Fono Aoao a Tagata Samoa i Sini) Incorporated lesitalaina 30/04/2007 INC#9887400 atoa le 10 tausaga ia Aperila 2017
3 Samoa Community Support Services Western Sydney Incorporated lesitalaina 24/11/2014 INC#1401583 atoa  le 3 tausaga ia Novema 2017
4 The New Samoan Council Sydney Incorporated lesitalaina 07/09/2015 INC#1501312 atoa le 2 tausaga ia Setema 2017
5 Samoa mo Samoa Council Incorporated lesitalaina 27/10/2016 INC#1601517 atoa le 1 tausaga ia Oketopa 2017

LEAVE A REPLY