TATALA ALOAIA LE CD FOU A RICHARD PARKER I SINI

0
287

Tusia. Josh Jnr Tia. Melepone
O le Aso Faraile aso 25 o le masina lenei ua fou sauni atu ai le tamalii lauiloa i le taleni o le musika le susuga ia Richard Parker e tatala aloaia lana cd fou ua faaigoaina o le “Polynesian Girl” i le fale faafiafia o le Greyhound Social Club i le pitonuu o Yagoona, a mae’a le faamoemoe i le aai o Sini, ona sauni atu lea mo le aai o Kalaiasetete (Christchurch) i Niu Sila i le aso tolu o le masina o Tesema, e maualuga i le faamoemoe le toatele o le mamalu lasilasi o le atunuu mai lava i tuaa sinasina ma le mamalu matutua seia oo lava i fanauiti ma le tupulaga e fiafia e faafogafoga ma mulimulitai i fatufatuga ma pesega a le susuga ia Richard, pei ona silafia le logologoa foi o nai ona uncles ia Dave ma John i le musika i tausaga ua tuanai, ae ua iloga le siitia e Richard le taleni faasolo a si o latou aiga, na maua se feiloaiga ma le susuga ia Richard ma ia saunoa ai lona agaga faafetai i le Atua ona o le taleni ma le leo ua ia maua ua mafai ona tautua ai Samoa faapea nisi o fiafia i ana fatuga faa papalagi, na ia momoli foi le faamalo ma le faafetai i le atunuu i soo se tafa o le lalolagi o fiafia e faatau ana cd ma avea ma ana paaga i luga o upega tafailagi, na ia faamanatu foi i le mamalu o le aufaitau, ua mafai nei ona silasila ma faatau ana pese i luga o le internet, se’i vagana ai le cd fou masalo o se taimi o le tausaga fou ona mafai lea ona maua i lea tautua. O nisi o tautua ma faafiafiaga iloga a lenei tamalii pese o taimi e malaga ai i Samoa ma fesoasoani mo sailiga seleni a le Mapu i Fagalele atoa ai ma sailiga seleni a nisi o ekalesia mo malumalu tapuai. Faamanuia pea le Atua i le taleni Richard.

LEAVE A REPLY