Toe Fa’apaia le isi galuega fou Ekalesia Wesleyan Methodist Church Samoa i Bray Park

0
637

Tusia:So’oalo Poulava Moe Fonoti -Brisbane

Na matua’i fa’atumulia le hall ole aoga Norris State School i Bracken Ridge, ile Aso Sa na te’a nei, aso 13 Mati 2016, ile afa tonu ole 9 ile taeao.

Ole Peresetene aoao lava ole Ekalesia Uesiliana Metotisi o Ausetalia, le susuga ia Rev Rex Rigby, na fa’apaia ina le Ekalesia fou, fa’atasi ai ma matua fa’aleagaga ole Ekalesia ia Rev Malotau Tavu’i male Faletua ia Jacinta Livinisitone Tavu’i

Ose sauniga na fa’atumulia ile fiafia, Ile mamalu o Samoa uo ma aumea mamae, ae maise le mamalu ile Ekalesia fou ma o latou aiga, ma aiga o matua fa’aleagaga, na taupati atu e molimau ina le fa’apaia ina ole Ekalesia.

O le ta’ita’i ole sauniga ole Susuga ia Rev Rex Rigby faatasi ai ma le susuga ile ta’ita’ifono ole faletolu, Rev Risatisone Taufao.
O talosaga na fofoga ina e Pastor Sitika Lemana Satui. O Afioga paia ale Atua na faitau ina e Rev Evile Pule (Samoa) & Rev Sakaraia Satui (Engl).
Ole susuga lava ia Rev Risatisone Taufao, na momolia le Ekalesia fou, fa’atasi ai matua fa’aleagaga, i luma ole Peresetene aoao ma le fa’apotopotoga, ma le fa’apaia ina.

imageNa mae‘a le sauniga ona tali foi lea o le sua i susuga i faafeagaiga ma o latou faletua, ae maise le auvalaaulia

Ona ta‘ape ai foi lea o le fuamanusina ma Le mama ua lomi, e lē gata i meaai faaleagaga e tusa ma le upu folafola, ae sa faapena foi ona faamalieina i le tausiga o le laualo i le matagofie o le taumafataga na saunia lelei e tupu ma e’e, tamali’i ma le Ekalesia fou Bray Park, Ole fofoga lava ole aaotusitusi le Afioa Tuifa’asisina Isaia Taufao na fai ma fofoga ole aso.

Avea ai lenei avanoa, e momoli atu ai alofaaga ma faamanuiaga i lau susuga ile fa’afeagaiga Rev Malotau ma le Faletua Jacinta Tavu’i, ae mai se le Ekalesia Uesiliana Metotisi Samoa i Bray Park.
Lau susuga ile ta’ita’ifono ole faletolu Rev Risatisone Taufao ma le Faletua Faitauga male Ekalesia Uesiliana Metotisi Inala.
Rev Evile Pule & Taumuli male Ekalesia Uesiliana Metotisi i Forest Lake. UA FAAFETAI LE TAUIVI, UA FAAMALO LE TOA, FAAFETAI UA TAU LAU LOU FAAMOEMOE. IA MANUIA LE FOLAUGA alofaaga Rev Anamani & Rev Kalepo Afemata male Ekalesia Uesiliana i Waterford. Tina Faifeau Fesoasoani (Lay Minister) Fa’alaeo Umaga male Tina a’oa’o Hana Sauao male Ekalesia Uesiliana I Mauga Kalaveti. Rev Peresetene Fuiavailiili male Tina ta’ita’i Fialelei Lematua. Susuga ile a’oa’o Lemalu Tofa Tanielu male Faletua Fa’afetai So’oalo Poulava Moe Fonoti

LEAVE A REPLY